لاہور: وفاقی وزیر ریلوے شیخ رشید نے کہا ہے کہ لوگ تحریک انصاف کی حکومت سے بدظن ضرور ہیں لیکن نفرت نہیں کر رہے۔
میڈیا سے گفتگو کرتے ہوئے شیخ رشید نے کہا کہ عمران خان کی سیاست کل سے شروع ہو رہی ہے۔ اپوزیشن کے 9 ارکان قومی اسمبلی بھی عمران خان سے ملاقات کے لیے جوگر پہن کر تیار بیٹھے ہیں۔ 15 سے 20 ارکان مسلم لیگ (ن) سے خلع لینے کیلئے تیار ہیں۔
انہوں نے مزید کہا کہ حامی ہوں ڈیل کے بجائے ڈھیل دے دی جائے، کرپٹ سیاستدان الٹا لٹک جائیں گے، پیسا نہیں نکالیں گے، پاکستان کو کمیشن خوروں کا سیاسی قبرستان بنا دیں گے۔
وفاقی وزیر نے کہا کہ شہباز شریف کو شرم آنی چاہیے، بھتیجی نے پارٹی پر قبضہ کرلیا ہے۔ نیب کی تفتیش سے بچنے کیلئے قائمہ کمیٹیوں کی روزانہ میٹنگ رکھی جا رہی ہے۔
آل پارٹیز کانفرنس میں مولانا فضل الرحمان کے ساتھ ہاتھ ہو گیا ہے۔ لوگ ہم سے بدظن ضرور ہیں لیکن نفرت نہیں کر رہے۔
