چین کے صدر شی جن پنگ نے کہا ہے کہ وہ فلسطین کے عوام کے منصفانہ مسئلے کے حل کے لیے مستقل فائر بندی اور اسرائیل اور فلسطین کے درمیان امن مذاکرات میں ثالث کا کردار ادا کرنے اور اس مسئلے کو حل کرنے کے لیے مددگار ہونے کے لیے تیار ہے۔
انہوں نے اقوام متحدہ میں فلسطینی عوام کی حمایت کے دن کے موقع پر اپنا ایک پیغام بھیجاہے۔انہوں نے اپنے پیغام میں مسئلہ فلسطین کے مسئلے کی اصل وجہ ہونے کا ذکر کرتے ہوئے علاقے میں امن کے قیام کے لیے بھی اسے سب سے اہم مسئلہ قرار دیا ہے۔
انہوں نے کہا کہ فلسطین اور اسرائیل دونوں ہی کو بڑے نیک نیتی کے ساتھ آگے بڑھتے ہوئے اس مسئلے کو ختم کرنے اور اس مسئلے کو بنیا د ہی سے حل کرنے کی ضرورت ہے۔
انہوں نے کہا کہ ان کا ملک اسرائیل اور فلسطین کے درمیان کشیدگی کم کرنے کے لیے اپنی کوششوں کو جاری رکھے ہوئے ہے۔ انہوں نے کہا کہ علاقے میں دو مملکتوں کے پلان کو جلد از جلد پایہ تکمیل تک پہنچانے کی ضرورت ہے۔
انہوں نے کہا کہ چین اقوام متحدہ کی سلامتی کونسل کے مستقل رکن کی حیثیت سے عالمی برادری کے ہمراہ مشرقِ وسطیٰ کے مسئلے کے منصفانہ اور پائدار حل کے لیے اپنی کوششوں کو جاری رکھے گا۔