کراچی: سٹیٹ بینک نے اوپن مارکیٹ آپریشن کے تحت بینکنگ سسٹم میں 1100 ارب روپے شامل کر دیئے۔
سٹیٹ بینک نے اوپن مارکیٹ آپریشن کے تحت بینکنگ سسٹم میں 7 روز کے لئے 5.82 فیصد سالانہ ریٹ آف ریٹرن کے حساب سے 1100 ارب روپے شامل کر دیئے۔ اوپن مارکیٹ آپریشن میں پیش کردہ بولی کی رینج 6 فیصد تا 5.82 فیصد سالانہ کے حساب سے 1144 ارب 65 کروڑ روپے مقرر کی گئی تھی۔
نیلامی میں شرکت کرنے والی تمام 24 بولی دہندگان کی پیشکشوں کو منظور کر لیا گیا۔ مرکزی بینک نے 5.82 فیصد کے حساب سے پیش کردہ کل رقم 201 ارب روپے میں سے پروریٹا کی بنیاد پر 156 ارب 35 کروڑ روپے منظور کئے۔
