ڈھاکہ :ورلڈ کپ کے لیے پاکستان جیسی ٹیم کٹ پر بنگلہ دیش میں تنازع کھڑا ہوگیا ۔بی سی بی صدر نظم الحسن کہتے ہیں یونیفارم میں بنگلہ دیش صاف دکھائی دیتا ہے ، جسے نہیں دکھتا وہ پاکستان میں جا کر رہے ۔
bc72e3a4bc69ec62a67dc52dee072882
دوسری طرف بی سی بی صدر نے آئی سی سی سے یونیفارم میں تبدیلی کی درخواست بھی کر دی ، جسے آئی سی سی نے مان لیا۔یاد رہے کہ آئی سی سی ورلڈکپ 2019 کے لیے بنگلہ دیش کرکٹ ٹیم کے کھلاڑیوں کی ایک تصویر ورلڈکپ میں پہنی جانے والی جرسی میں منظر عام پر آئی جس پر بنگلا دیشی فینز نے شدید تنقید کی ۔بنگلہ دیش کے عوام نے نکتہ اٹھایا کہ بنگلہ دیش کے قومی جھنڈے میں سبز رنگ کے ساتھ لال رنگ کا دائرہ بھی ہے اس لیے قومی ٹیم کی جرسی میں بھی سبز کے ساتھ لال رنگ بھی ہونا چاہیے تھا۔
203ec8d92099d27f5752f6699dc0b305
عوام کے شدید دباؤ کے بعد بنگلہ دیشی کرکٹ بورڈ نے انٹرنیشنل کرکٹ کونسل سے رابطہ کیا اور اپیل کی کہ جرسی میں لال رنگ کا اضافہ کیا جائے۔بنگلہ دیش کرکٹ ٹیم کی نئی وردی میں لال رنگ کا اضافہ کردیا گیا ہے، اور ٹی شرٹ میں سینے پر لال رنگ کے درمیان بنگلہ دیش لکھا گیا ہے۔
بنگلہ دیش میں کھیلوں کی مشہور ویب سائٹ 'کرک انفو' کے نمائندے محمد اسلام نے بنگال ٹائیگرز کی نئی جرسی کی تصویر شیئر کی جو بنگلہ دیشی شائقین کرکٹ کو بے حد پسند آرہی ہے جب کہ بعض کا کہنا ہے کہ پہلے منتخب کردہ جرسی میں بھی کوئی خامی نہیں تھی۔
