کراچی: پاکستان ایئرپورٹس اتھارٹی (پی اے اے) نے کراچی اور لاہور کے درمیان بعض فضائی راستوں کو آج اور کل پروازوں کے لیے عارضی طور پر بند رکھنے کا اعلان کیا ہے۔
پی اے اے کی جانب سے جاری کردہ نوٹم کے مطابق فضائی راستوں کی یہ بندش آپریشنل وجوہات کے باعث کی جا رہی ہے۔ نوٹم میں بتایا گیا ہے کہ 14 اور 15 جنوری کو بندش کا دورانیہ روزانہ شام سات بجے سے رات دس بجے تک ہوگا۔
پاکستان ایئرپورٹس اتھارٹی نے مسافروں کو ہدایت کی ہے کہ وہ اپنی پروازوں کے شیڈول میں ممکنہ تبدیلی سے آگاہی کے لیے متعلقہ ایئرلائنز سے رابطے میں رہیں۔