اسلام آباد :پاکستان مسلم لیگ ن نے سپریم کورٹ کے دو ججز جسٹس اعجاز الاحسن اور جسٹس مظاہر علی نقوی کے سامنے پیش نہ ہونے کا فیصلہ کیا ہے ۔
پارٹی ذرائع کے مطابق وزیر اعظم شہباز شریف کی زیر صدارت مسلم لیگ ن کا اہم مشاورتی اجلاس ہوا ،جس میں مطالبہ کیا گیا کہ جسٹس اعجاز الاحسن اور جسٹس مظاہر علی نقوی مسلم لیگ ن کے کیسز سے علیحدگی اختیار کریں۔
ذرائع کا کہنا ہے کہ وزیراعظم شہباز شریف کی زیر صدارت ہونے والے اجلاس میں اس حوالے سے قانونی مشاورت مکمل کر لی گئی ہے ۔