اسلام آباد:وزیراعظم نے دورہ قطر سے واپسی پر پنجاب پولیس میں اصلاحات کا اعلان کردیا۔
تفصیلات کے مطابق سانحہ ساہیوال پر وزیراعظم عمران خان کی جانب سے سماجی رابطے کی ویب سائٹ ٹوئٹر پر تازہ بیان جاری کیا گیا جس میں ہو پنجاب حکومت کی کاکردگی پر کافی نالاں نظر آئے اورانہوں نے کہا کہ سانحہ ساہیوال پر عوام کا غم و غصہ جائز ہے،قوم سے وعدہ کرتا ہوں دورہ قطر سے واپسی پر ذمہ داران کو مثالی سزائیں دیں گے۔
The grief & anger of the ppl of Pak on Sahiwal incident is understandable & justified. I assure the nation that when I return from Qatar not only will the guilty be given exemplary punishment but I will review the entire structure of Punjab police & start process of reforming it.
— Imran Khan (@ImranKhanPTI) January 21, 2019
وزیراعظم عمران خان نے مزید کہا کہ پنجاب پولیس کے بنیادی ڈھانچے کا جائزہ لیتے ہوئے اصلاحات کی جائینگی پنجاب پولیس کے سٹرکچر پر خود نظرثانی کروں گا جبکہ پولیس میں اصلاحات خود کروں گا۔
ساہیوال واقعے پر عوام میں پایا جانے والا غم و غصہ بالکل جائز اور قابلِ فہم ہے۔ میں قوم کو یقین دلاتا ہوں کہ قطر سے واپسی پر نہ صرف یہ کہ اس واقعے کے ذمہ داروں کو عبرت ناک سزا دی جائے گی بلکہ میں پنجاب پولیس کے پورے ڈھانچے کا جائزہ لوں گا اور اس کی اصلاح کا آغاز کروں گا۔
— Imran Khan (@ImranKhanPTI) January 21, 2019
میڈیا پر معاملہ آنے کے بعد وزیراعظم عمران خان نے بھی واقعے کا نوٹس لیا، دوسری جانب واقعے میں ملوث سی ٹی ڈی اہلکاروں کو حراست میں لے کر تحقیقات کے لیے جے آئی ٹی تشکیل دے دی گئی۔
