واشنگٹن : امریکی صدر ڈونلڈ ٹرمپ اور یوکرینی صدر ولادیمیر زیلنسکی کے درمیان جھڑپ کے بعد، واشنگٹن نے کیف کے لیے فوجی امداد غیر معینہ مدت کے لیے روک دی ہے۔ وائٹ ہاؤس کے ایک اہلکار نے اس معطلی کی تصدیق کرتے ہوئے کہا کہ امداد کا جائزہ لیا جا رہا ہے تاکہ یہ یقین دہانی کی جا سکے کہ یہ کسی حل میں معاون ثابت ہو رہی ہے یا نہیں ہورہی ہے۔
امریکہ، روس کے یوکرین پر حملے کے آغاز سے ہی یوکرین کو اسلحہ فراہم کرنے والا ایک اہم ملک رہا ہے۔ تین سال قبل روس کے حملے کے بعد امریکہ نے یوکرین کو بڑی مقدار میں ہتھیار فراہم کیے تھے۔ تاہم، ٹرمپ نے یوکرینی صدر زیلنسکی پر تنقید کرتے ہوئے کہا کہ زیلنسکی کا یہ بیان کہ روس کے ساتھ جنگ کا اختتام بہت دور ہے، اور یہ ایک غلط بیان ہے۔
اس دوران، برطانوی وزیراعظم کیئر سٹارمر نے یوکرینی صدر زیلنسکی کے دورے کے دوران یوکرین کی حمایت کے لیے ایک چار نکاتی منصوبہ پیش کیا ہے جس کا مقصد جنگ کے خاتمے اور یوکرین کو روس سے بچانے کے لیے مل کر کام کرنا ہے۔
