سیالکوٹ: سابق وزیر دفاع خواجہ آصف نے کہا ہے کہ شہریوں کے ساتھ ہاؤسنگ سوسائیٹوں کے فراڈ میں ٹی وی چینلز برابر کے شریک ہیں۔
انہوں نے اپنے ایکس اکاؤنٹ پر لکھا کہ ٹی وی پر مختلف ہاؤسنگ سکیموں کے اشتہارات کی بھر مار ہے۔ ساتھ ہی ملٹی سٹوری فلیٹس عمارتوں کے بھی روز لاتعداد کمر شل چلائے جاتے ہیں۔
ٹی وی پر مختلف ھاؤسنگ سکیموں کے اشتہارات کی بھر مار ھے. ساتھ ھی ملٹی سٹوری فلیٹس عمارتوں کی بھی روز لاتعداد کمر شل چلائی جاتی ھیں. میری درخواست ھے یہ اشتہار چلاتے وقت چینلز چیک کر لیں کہ ان عمارات اور ھاؤسنگ سوسائٹیوں کے پاس تمام اجازت نامے ھیں. اسوقت شہریوں کے ساتھ جو فراڈ ھو…
— Khawaja M. Asif (@KhawajaMAsif) November 5, 2023
خواجہ آصف نے کہا کہ میری درخواست ہے یہ اشتہار چلاتے وقت چینلز چیک کر لیں کہ ان عمارات اور ہاؤسنگ سوسائٹیوں کے پاس تمام اجازت نامے ہیں؟
انہوں نے کہا کہ اسوقت شہریوں کے ساتھ جو فراڈ ہو رہے ہیں ان میں بیشتر کے پاس متعلقہ اجازت نامے نہیں۔ اس طرح عوام کو لوٹنے کی واردات میں ٹی وی چینلز بھی شریک جرم ہوتے ہیں۔ اجازت نامے اشتہار کے ساتھ چلنے چاہئیں۔
