لاہور: پاکستان کی آئی ٹی برآمدات میں ایس آئی ایف سی کی سہولت کاری کے باعث عالمی سطح پر اعتماد بڑھا ہے، جس سے آئی ٹی کی برآمدات میں 6 فیصد اضافہ ہوا۔ گزشتہ آٹھ ماہ کے دوران پاکستان نے 5.4 ارب ڈالر کا زرمبادلہ حاصل کیا۔
پاکستان کی آئی ٹی، کمپیوٹر اور ٹیلی کام کے شعبے میں خدمات کی برآمدات میں 25 فیصد اضافہ ہوا، جو 2.4 ارب ڈالر تک پہنچ گئیں۔ فروری میں ریکارڈ کی جانے والی برآمدات 709 ملین ڈالر کی تھیں، جبکہ دیگر بزنس سروسز کی برآمدات 1.4 فیصد اضافے سے 1.07 ارب ڈالر ہو گئیں۔
آئی ٹی خدمات کی برآمدات میں اس اضافے سے زرمبادلہ کے ذخائر میں بہتری اور کرنٹ اکاؤنٹ خسارے میں کمی کی توقع ہے۔ حکومت نے اگلے پانچ سال میں آئی ٹی کی برآمدات کے لئے 15 ارب ڈالر کا ہدف مقرر کیا ہے، اور حالیہ اضافے سے اس ہدف کے حصول کے امکانات روشن ہوئے ہیں۔
عالمی مارکیٹ میں پاکستانی آئی ٹی خدمات کی مانگ میں اضافہ ہونے سے فری لانسرز اور اسٹارٹ اپس کے لئے نئے کاروباری مواقع پیدا ہوئے ہیں۔
