کراچی: حالیہ سیاسی کشیدگی کے بعد میئر کراچی مرتضیٰ وہاب اور گورنر سندھ کامران ٹیسوری کے درمیان گورنر ہاؤس میں اہم ملاقات ہوئی، جس میں باہمی اختلافات کو ختم کر کے شہر کے مفاد میں مل کر کام کرنے پر اتفاق کیا گیا۔
ملاقات میں شہر کے انتظامی و بلدیاتی امور، ترقیاتی منصوبے اور مستقبل کی حکمت عملی پر تفصیلی گفتگو کی گئی۔ میئر کراچی نے گورنر سندھ سے شہر کے لیے تعاون کا مطالبہ کرتے ہوئے کہا کہ ہمیں اپنی سیاسی وابستگیوں سے بالاتر ہو کر کراچی کے عوام کے لیے کام کرنا ہوگا۔
گورنر سندھ نے اس ملاقات کو خوش آئند قرار دیتے ہوئے کہا کہ ہم سب کی ترجیح کراچی کی ترقی ہونی چاہیے۔ ملاقات خوشگوار ماحول میں اختتام پذیر ہوئی جس سے سیاسی درجہ حرارت میں کمی آئی۔
