لاہور: سینئرصحافی و اینکر کامران شاہد نے دعویٰ کیا کہ 8 فروری کو ووٹرز نے پاکستان مسلم لیگ ن کی سہولیات کا استعمال کیا اور ووٹ عمران خان کو دیا۔
اینکر پرسن و سینئرصحافی کامران شاہد نے سماجی رابطے کی ویب سائٹ ایکس پر اپنی ایک پوسٹ میں یہ دعویٰ کیا کہ عام انتخابات کے روز ووٹرز نے پاکستان مسلم لگ ن کی گاڑیوں کا استعمال کیا۔ ن لیگ کے ہی پولنگ کیمپ سے پولنگ پرچی لی اور تو اور پاکستان مسلم لیگ ن کی جانب سے دیے گئے قیمے والے نان اور چائے سے اپنی خاطر تواضع کی لیکن پولنگ بوتھ میں جا کر اپنا ووٹ عمران خان کو دے دیا۔
c07e02f84896822569473773cbc0447b
انہوں نے دعویٰ کیا کہ ایسا 8 فروری 2024 کے انتخابات میں ہوا ہے۔
کامران شاہد کے اس دعوے پر عوام کی جانب سے دلچسپ ردعمل سامنے آیا۔ ایک ایکس صارف سحر بانو کی جانب سے ردعمل دیا گیا کہ الحمدللہ،اور آپ نے ایک پوائنٹ نہیں گنوایا کہ ہمارا پولنگ ایجنٹ موجود نہیں تھا تو ہم نے مسلم لیگ ن کےپولنگ ایجنٹس سے فارم 45 کی تصاویر لی تھیں۔
5acc28182f6e01f7f84e078ae5df1efa
ایک اور صارف عقیل کا کہنا تھا کہ وہ جو بھی انتظام کیا گیا تھا وہ پاکستانی عوام کا چوری کیا گیا پیسہ تھا جس کو عوام نے صحیح سے استعمال کیا اور ووٹ کا حق جسکا تھا اسکو دیا ۔ان کا مزید کہنا تھا کہ پاکستانی قوم پڑھی لکھی بھی ہے اور پوری کوشش بھی کرتی ہے۔
f8d18f4f4f5bfff7ed09a0527be56e97
ایک صارف شمسہ بابر نے کہا کہ ہم نے تو پہلے ہی کہا تھا اس بار سرپرائز ہم دیں گے۔
66509e4f492b29becac3535e18b6a47e
عاطف سمیع کا کہنا تھا کہ پرینک ہوگیا کیمرہ کی طرف ہاتھ ہلا دیں۔
005386410379e3c1d59fd1b323c9ed78
ایک اور صارف اقراء بتول کا کہنا تھا کہ بلکل سچ ہے. میرے علاقے میں بھی ایسا ہی ہوا، اسے ہم لوگوں کی سیاست کہتے ہیں۔
78e15ce74681ad2b83235e6b0bc2cdcd
