راولپنڈی:کامن ویلتھ گیمز میں پاکستان کو پہلا گولڈ میڈل دلانے والے انعام بٹ کو آرمی چیف جنرل قمر جاوید باجوہ نے مبارکباد دی ہے ۔
یہ بھی پڑھیں:کامن ویلتھ گیمز میں ریسلر انعام بٹ نے سونے کا تمغہ جیت لیا
پاک فوج کے شعبہ تعلقات عامہ (آئی ایس پی آر ) کی جانب سے جاری کئے گئے پیغام میں آرمی چیف جنرل قمر جاوید باجوہ نے پاکستان کے لیے گولڈ میڈل جیتنے والے محمد انعام کو مبارک باد دی اور پاکستانی پرچم اور قوم کا سر فخر سے بلند کرنے پر ان کی کارکردگی کو سراہا ۔
یہ بھی پڑھیں:افغانستان کرکٹ بورڈ کی پاکستان سے دشمنی ، قومی کرکٹرز کو فوری وطن واپسی کی وارننگ
COAS congratulates Wrestler Muhammad Inam on clinching Gold Madel in #Commonwealthgames18. “Well done for keeping the Pakistani flag high and bringing honour to the country”, COAS. pic.twitter.com/xw6bnWpF8S
— Maj Gen Asif Ghafoor (@OfficialDGISPR) April 14, 2018
پاکستان کے لئے یہ اعزاز حاصل کرنے پر انعام بٹ کو مبارکبادوں دینے والوں کا سلسلہ جاری ہے اور چیئرمین پاکستان تحریک انصاف نے بھی قومی ریسلر کی حوصلہ افزائی کرنے کیلئے مبارکباد کا پیغام جاری کیا اور کہا کہ آپ نے قوم کا سر فخر سے بلند کردیا۔
Congratulations to our wrestler Mohammad Inam for winning the Gold in the #CommonwealthGames2018 . He has done the nation proud. pic.twitter.com/i3oZ0Kk5Lx
— Imran Khan (@ImranKhanPTI) April 14, 2018
خیال رہے کہ گزشتہ روز آسٹریلیا کی ریاست گولڈ کوسٹ میں جاری کامن ویلتھ گیمز میں پاکستانی ریسلر محمد انعام بٹ نے فری سٹائل ریسلنگ کی 86 کلو گرام کیٹیگری میں نائیجیرین حریف کو زیر کرکے پہلی پوزیشن حاصل کی۔ محمد انعام نے اتنی زبردست کارکردگی کا مظاہرہ کیا کہ گولڈ میڈل فائٹ یکطرفہ مقابلہ بن گئی۔
یہ بھی پڑھیں:وزیراعلیٰ سندھ نے شہباز شریف کو نیا خطاب دے دیا
محمد انعام نے چھ صفر سے یہ مقابلہ جیت لیا۔اس کے علاوہ 125 کلو ویٹ کیٹگری میں پاکستانی ریسلر طیب رضا نے کانسی کا تمغہ پاکستان کے لئے جیتا۔ اس کیٹگری میں بھارتی پہلوان سمت نے کینیڈا کے پہلوان جاروس کورے کو ہرا کر گولڈ میڈل اپنے نام کیا۔ اس سے قبل سیمی فائنل مقابلے میں کینیڈا کے پہلوان نے پاکستان کے طیب رضا کو شکست دے کر فائنل کے لئے کوالیفائی کیا تھا۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
