اسلام آباد : ججز ٹرانسفر کیس میں رجسٹرار سندھ ہائی کورٹ نے سپریم کورٹ میں اپنا جواب جمع کروا دیا۔ جواب میں کہا گیا ہے کہ سیکرٹری قانون نے جسٹس خادم سومرو کے تبادلے کے حوالے سے ایک خط ارسال کیا تھا، جو چیف جسٹس سندھ ہائی کورٹ کو پیش کیا گیا۔
تاہم چیف جسٹس کی منظوری کے بعد سیکرٹری قانون کو آگاہ کیا گیا، اور پھر جسٹس خادم سومرو کی رضامندی کے بعد تبادلے کا نوٹیفکیشن جاری کیا گیا۔ رجسٹرار سندھ ہائی کورٹ نے اس جواب کے ساتھ متعلقہ دستاویزات بھی سپریم کورٹ میں جمع کرائیں، جن میں تبادلے سے متعلق خط و کتابت اور نوٹیفکیشن شامل ہیں۔
