کراچی :پاک فوج کے شعبہ تعلقات عامہ کے ڈائریکٹر جنرل(ڈی جی آئی ایس پی آر) میجر جنرل آصف غفور گزشتہ شب کراچی میں سٹریٹ کرکٹرز کے درمیان پہنچ گئے جبکہ عوام کے ساتھ سیلفیاں بھی بنواتے رہے۔
تفصیلات کے مطابق افواج پاکستان،حکومت اور عوام نے ملکر دہشتگردوں کی کمر توڑ ی ہے اور پورے ملک میں امن بحال ہوچکا ہے تاہم دہشتگرد پھر بھی اپنی بزدلانہ کارروائیوں سے باز نہیں آتے اور پاکستان کا امن برباد کرنے کی کوششوں میں مصروف رہتے ہیں۔
تاہم گزشتہ شب ڈی جی آئی ایس پی آر میجر جنرل آصف غفور نے عوامی انداز اپناتے ہوئے ملک دشمنوں کو یہ پیغام دیا کہ پاکستان کی افواج اور عوام کسی بھی خطرے اور سکیورٹی کو نقصان پہنچانے والوں قوتوں کے سامنے سیسہ پلائی دیوار بن جائیں گے اور بن ہوئے ہیں۔
3faea67c6a0f3c4583c1065ef6d785b8
دہشتگردی ،بھتہ خوری اور ٹارگٹ کلنگ نے شہر قائد کی روشنیاں بھی چھین لی تھی مگر اب وہاں بھی زندگی کا پہیہ زور و شور سے رواں دواں ہے اور اس شہر کی روشنیاں ایک مرتبہ پھر واپس آچکی ہی۔گزشتہ رات کراچی کی ایک سڑک پر کرکٹ کھیلنے میں مصروف نوجوان اس وقت خوشگوار حیرت میں مبتلا ہوگئے جبکہ میجر جنرل آصف غفور بغیر سکیورٹی کے وہاں پہنچ گئے اور نوجوانوں کے ساتھ کرکٹ کھیلنا شروع کردی۔
نوجوان کرکٹر ڈی جی آئی ایس پی آر کو اپنے بیچ پاکر خوش ہوئے اور انہوں نے میجر جنرل آصف غفور کے ساتھ موقع کا فائد اٹھاتے ہوئے خوب سیلفیاں بھی بنوائیں۔جب کے اس واقعے کی ویڈیو سوشل میڈیا پر وائرل ہوچکی ہے اور عوام کی جانب سے اس عمل کو خوب سراہا جارہا ہے۔
پاکستان ٹی 20 کرکٹ ٹیم کے سابق کپتان شاہد آفریدی نے بھی اس عمل کی سراہتے ہوئے ٹوئٹ کیا اور لکھا کہ ”کراچی کے رنگ واپس آچکے ہیں،کراچی کے لڑکے رات گئے سڑک پر کرکٹ کھیل کر انجوائے کررہے ہیں جبکہ ڈی جی آئی ایس پی آر کی لڑکوں کے ساتھ کرکٹ کھیلنے کے موقع کو مس کررہا ہوں کیونکہ میں اس وقت ترکی میں موجود ہوں“۔بوم بوم نے امن کی بحالی پر بہادر سکیورٹی فورسز کابھی شکریہ اداکیا۔
