اسلام آباد: یونیورسٹی آف ہیلتھ سائنسز نے پنجاب کے 32 پرائیویٹ میڈیکل کالجز کے لئے چوتھی سلیکشن لسٹ جاری کر دی ہے۔ یہ لسٹ ایم بی بی ایس کے تین سو نو خالی سیٹوں کے لیے مرتب کی گئی ہے، جو اب ویب سائٹ پر دستیاب ہے۔
چوتھی سلیکشن لسٹ میں ایم بی بی ایس کے کم از کم میرٹ میں 0.9 فیصد کمی دیکھی گئی۔ ابواء میڈیکل کالج فیصل آباد کا میرٹ سب سے کم 72.6227 فیصد رہا، جبکہ لاہور کا العلیم میڈیکل کالج کا میرٹ 91.0045 فیصد کے ساتھ سب سے زیادہ رہا۔ لاہور میں کم سے کم میرٹ عذرا ناہید میڈیکل کالج کا 74.1818 فیصد رہا۔
نئے داخل ہونے والے امیدواروں کو فیس جمع کرانے اور جوائننگ کی آخری تاریخ 26 فروری مقرر کی گئی ہے۔ اپ گریڈ ہونے والے امیدواروں کے لیے بھی ضروری ہے کہ وہ مقررہ تاریخ تک نئے کالجوں میں رپورٹ کریں۔ اپ گریڈ ہونے والے امیدواروں کی فیس ان کے نئے کالجوں میں منتقل کر دی جائے گی۔
امیدواروں سے درخواست کی گئی ہے کہ وہ جلدی سے اپنے داخلے کی تصدیق کریں اور تمام مطلوبہ کارروائیاں مکمل کریں تاکہ کسی بھی پریشانی سے بچا جا سکے۔
