کراچی: آل پاکستان جیمز اینڈ جیولرز ایسوسی ایشن کے مطابق، ملک بھر میں 24 قیراط سونے کی فی تولہ قیمت میں 500 روپے کا اضافہ ریکارڈ کیا گیا ہے، جس کے بعد نئی قیمت 3 لاکھ 25 ہزار 500 روپے ہوگئی ہے۔ گزشتہ کاروباری دن بدھ کو یہ قیمت 3 لاکھ 25 ہزار روپے تھی۔
اسی طرح 10 گرام 24 قیراط سونے کی قیمت میں 428 روپے کا اضافہ ہوا ہے، جس کے بعد یہ 2 لاکھ 78 ہزار 635 روپے سے بڑھ کر 2 لاکھ 79 ہزار 63 روپے ہوگئی ہے۔ 10 گرام 22 قیراط سونے کی قیمت میں بھی 393 روپے کا اضافہ ہوا ہے، جس سے نئی قیمت 2 لاکھ 55 ہزار 424 روپے سے بڑھ کر 2 لاکھ 55 ہزار 817 روپے ہوگئی ہے۔
دوسری جانب، فی تولہ اور 10 گرام چاندی کی قیمتیں مستحکم رہی ہیں۔ فی تولہ چاندی کی قیمت 3 ہزار 580 روپے جبکہ 10 گرام چاندی کی قیمت 3 ہزار 69 روپے پر برقرار ہے۔
عالمی مارکیٹ میں بھی سونے کی قیمت میں اضافہ دیکھنے میں آیا ہے۔ سونے کی فی اونس قیمت 5 ڈالر اضافے کے بعد 3 ہزار 89 ڈالر ہوگئی ہے، جبکہ چاندی کی قیمت 34.10 ڈالر فی اونس پر مستحکم ہے۔
ماہرین کے مطابق، عالمی مارکیٹ میں سونے کی قیمت میں اضافے کا اثر مقامی مارکیٹ پر بھی پڑا ہے، جس کے باعث سونے کی قیمتوں میں اضافہ ہوا ہے۔
