اسلام آباد: وزیراعظم شہباز شریف اور بحرین کے شاہ حمد بن عیسیٰ الخلیفہ کے درمیان ٹیلیفونک رابطہ ، وزیراعظم شہباز شریف نے عیدالاضحیٰ کے پر مسرت موقع پر مبارکباد پیش کی ۔
تفصیلات کے مطابق شہباز شریف نے کہا کہ پاکستان بحرین قریبی تعلقات نے مختلف شعبوں میں تعاون کے اہم مواقع فراہم کئے ہیں ۔ انہوں نے بحرین کے عوام کی مسلسل ترقی اور خوشحالی کیلئے نیک خواہشات کا اظہار کیا ۔
بحرین کے شاہ حمد بن عیسیٰ الخلیفہ کا بھی پاکستانی عوام کیلئے نیک خواہشات کا اظہار ، انہوں نے دونوں ممالک کے عوام کے مفاد کیلئے باہمی تعاون کو وسیع کرنے کے عزم کا اظہار کیا ۔ حمد بن عیسیٰ الخلیفہ نے مزید کہا کہ پاکستان اور بحرین کے درمیان دیرینہ دوستانہ تعلقات ہیں ۔ باہمی تعلقات کی جڑیں مشترکہ ایمان اور باہمی افہام و تفہیم پر مبنی ہیں ۔
سعودی عرب اور تمام خلیجی ممالک میں آج عید الاضحیٰ منائی جارہی ہے ، عید کی نماز کا سب سے بڑا اجتماع مسجد الحرام و مسجد نبوی میں ہوا ۔
