کراچی : ملک بھر میں سونے کی قیمت میں نمایاں کمی ریکارڈ کی گئی ہے۔ سندھ صرافہ بازار جیولرز ایسوسی ایشن کے مطابق فی تولہ سونے کی قیمت میں 11 ہزار 700 روپے کی کمی واقع ہوئی ہے، جس کے بعد سونے کی نئی قیمت 3 لاکھ 52 ہزار روپے ہو گئی ہے۔
اسی طرح 10 گرام سونے کی قیمت میں 10 ہزار 31 روپے کمی آئی ہے، جس کے بعد اس کی نئی قیمت 3 لاکھ ایک ہزار 783 روپے مقرر کی گئی ہے۔
یاد رہے کہ گزشتہ روز سونے کی قیمت میں 5 ہزار 900 روپے جبکہ پیر کے روز 8 ہزار 100 روپے کا اضافہ ریکارڈ کیا گیا تھا، جس کے بعد سونے کی قیمت میں مسلسل اضافے کا رجحان دیکھنے میں آیا تھا۔
ماہرین کے مطابق عالمی مارکیٹ میں سونے کی قیمتوں میں اتار چڑھاؤ اور ملکی مالیاتی صورتحال اس کمی کی ممکنہ وجوہات ہو سکتی ہیں۔ عوام اور سرمایہ کاروں کو سونے کی قیمتوں پر قریبی نظر رکھنے کی ہدایت کی جا رہی ہے۔
