لاہور: پاکستان مسلم لیگ (ن) کی نائب صدر مریم نواز شریف نے حکومت کو مخاطب کرتے ہوئے کہا کہ کوئی ہے جو یوکرین میں پھنسے پاکستانی طالب علموں کی آواز سن سکے۔
تفصیلات کے مطابق مریم نواز شریف نے یوکرین میں پھنسے پاکستانی طلبہ سے متعلق تشویش کا اظہار کرتے ہوئے سماجی رابطے کی ویب سائٹ ٹویٹر پر جاری پیغام میں کہا کہ یوکرین میں سیکڑوں پاکستانی طالب علم وہاں سے نکالے جانے کے منتظر ہیں۔انہوں نے حکومت کو مخاطب کرتے ہوئے سوال کیا کہ کیا یوکرین میں پھنسے سینکڑوں پاکستانی طلباءکی فریاد سننے والا کوئی ہے۔
Is there anyone listening to the entreaties of hundreds of Pakistani students stranded in Ukraine waiting to be evacuated ?
— Maryam Nawaz Sharif (@MaryamNSharif) February 25, 2022
واضح رہے کہ روس کی جانب سے یوکرین پر حملے کے بعد سینکڑوں طلباءاور دیگر پاکستانی وہاں پھنس گئے ہیں تاہم یوکرین میں تعینات پاکستانی سفیر نویل کھوکھر کا کہنا ہے کہ یہاں موجود تمام پاکستانی محفوظ ہیں۔
انہوں نے کہا کہ طلباءاور دیگر پاکستانی لوویو یا ٹرنوپل پہنچیں، ایمبیسی نے پاکستانیوں کیلئے رہائش کا انتظام کر لیا ہے۔ یوکرین میں موجود تمام پاکستانی اور طلباءٹوئٹر اور سوشل میڈیا پر ہماری ہدایات حاصل کرتے رہیں اور کیف میں موجود طلباءٹرین کے ذریعے فوری لیویو آ جائیں۔
