کراچی:پاک بحریہ نے اینٹی شپ میزائلز فائرنگ کا کامیاب تجربہ کرلیا،نیول چیف ایڈمرل امجد خان نیازی نے میزائلز فائرنگ کا مشاہدہ کیا ۔
پاک بحریہ کے ترجمان کےمطابق میزائلز فائرنگ کا مظاہرہ پاک بحریہ کی عملہ صلاحیتوں کا منہ بولتا ثبوت ہے جبکہ نیول چیف نے پاک بحریہ کی آپریشنل تیاریوں پر اظہارا طمینان کیا۔
#PakNavy conducted Live Weapon Firing (LWF) of anti-ship missiles from Surface & Aviation platforms in North Arabian Sea. CNS Admiral Muhammad Amjad Khan Niazi witnessed LWF as CG. The Adm expressed satisfaction over combat readiness to defend Pakistan's maritime frontiers. pic.twitter.com/SqixvbZYXs
— DGPR (Navy) (@dgprPaknavy) October 28, 2020
اس موقع پر اظہار خیال کرتے ہوئے نیول چیف امجد خان نیازی نے کہا کہ پاک بحریہ سمندری حدود کی حفاظت کیلئے تیار ہے ،بحری جہاز،ہوائی جہاز اور ہیلی کاپٹر نے اہداف کو کامیابی سے نشانہ بنایا اورپاک بحریہ کسی بھی جارحیت کا بھرپورجواب دینے کی صلاحیت رکھتی ہے ۔
خیال رہے کہ وائس ایڈمرل محمد امجد خان نیازی کو پاک بحریہ کا نیا سربراہ مقرر کرنے کیا گیا تھا۔ بحریہ کے پریس بیان میں بتایا گیا تھا کہ صدر پاکستان نے وائس ایڈمرل محمد امجد خان نیازی کی پاک بحریہ کے نئے سربراہ کے طور پر تعیناتی اور ایڈمرل کے عہدے پر ترقی کی منظوری دی۔
محمد امجد خان نیازی07 اکتوبر 2020 کو ایڈمرل ظفر محمود عباسی کی جگہ پاک بحریہ کی کمانڈ سنبھالی۔
