واشنگٹن : امریکا کی کئی معروف یونیورسٹیوں میں تقریباً 450 بین الاقوامی طلبا کے ویزے اچانک منسوخ کر دیے گئے ہیں۔ امریکی میڈیا کے مطابق ان طلبا میں پاکستانی اور دیگر مسلم ممالک کے طلبا بھی شامل ہیں۔ ویزوں کی منسوخی بغیر کسی پیشگی اطلاع یا قانونی کارروائی کے کی گئی، جس پر طلبا اور تعلیمی اداروں میں تشویش پھیل گئی۔
میڈیا رپورٹس کے مطابق، اس اقدام کی کئی وجوہات ہوسکتی ہیں، تاہم یونیورسٹیوں کے اہلکاروں کا کہنا ہے کہ یہ کارروائی حکومت کی طرف سے خاموشی سے کی جا رہی ہے۔ اطلاعات کے مطابق، سابق امریکی صدر ڈونلڈ ٹرمپ کی انتظامیہ خاص طور پر ان طلبا کو نشانہ بنا رہی ہے جو فلسطینیوں کے حق میں مظاہروں میں حصہ لیتے رہے ہیں، تاہم کچھ طلبا کے ویزے ایسے بھی منسوخ کیے گئے ہیں جنہوں نے کسی مظاہرے میں شرکت نہیں کی تھی۔
اس واقعے میں چند مشہور یونیورسٹیاں ہارورڈ، اسٹینفورڈ، یو سی ایل اے اور یونیورسٹی آف مشیگن شامل ہیں، جن کے طلبا کے ویزے منسوخ کیے گئے۔
