اسلام آباد: پاکستان تحریک انصاف (پی ٹی آئی) کے رہنماءاور وزیر مملکت برائے پارلیمانی امور علی محمد خان نے کہا ےہ کہ سینیٹ انتخابات میں پیسہ چلا ہے ورنہ خاتون کی سیٹ بھی پاکستان ڈیموکریٹک موومنٹ (پی ڈی ایم) والے جیتتے۔
تفصیلات کے مطابق علی محمد خان نے سینیٹ انتخابات کے نتائج سامنے آنے کے بعد سماجی رابطوں کی ویب سائٹ ٹوئٹر پر جاری اپنے پیغام میں لکھا ’پیسہ چلا ہے ورنہ خاتون کی سیٹ بھی پی ڈی ایم والے جیتتے۔ عمران خان کے اوپن بیلٹ کے بیانیہ کی جیت ہوئی ہے اور پی ڈی ایم کے بیانیہ ووٹ کو عزت دو کی ہار ہوئی ہے، خفیہ ووٹ کے ذریعے۔ جہاں پیسہ نہیں چلا وہاں خاتون کی سیٹ پی ٹی آئی جیت گئی اور جہاں پیسہ چلا وہاں پیسہ جیتا۔‘
پیسہ چلا ہے
— Ali Muhammad Khan (@Ali_MuhammadPTI) March 3, 2021
ورنہ خاتون کی سیٹ بھی PDM والے جیتتے @ImranKhanPTI کے اوپن بیلٹ کے بیانیہ کی جیت ہوئ ہے اور PDM کے بیانیہ ووٹ کو عزت دو کی ہار ہوئ ہے خفیہ ووٹ کے زریعہ۔
جہاں پیسہ نہیں چلا وہاں خاتون کی سیٹ @PTIofficial جیت گئ اور جہاں پیسہ چلا وہاں پیسہ جیتا۔
واضح رہے کہ سینیٹ انتخابات میں اسلام آباد کی جنرل نشست پر یوسف رضا گیلانی کامیاب ہوگئے ہیں، ریٹرننگ افسر کے مطابق 340 ووٹ کاسٹ ہوئے جن میں سے یوسف رضا گیلانی نے 169 ووٹ حاصل کئے اور حفیظ شیخ نے 164 ووٹ حاصل کئے جبکہ ریٹرننگ افسر کے مطابق 7 ووٹ مسترد ہوئے اور یوں یوسف رضا گیلانی حفیظ شیخ کو پانچ ووٹوں سے شکست دے کر اسلام آباد سے سینیٹر منتخب ہوگئے۔
