شارجہ: پاکستان سپر لیگ کا پلے آف مرحلہ آج سے شارجہ میں شروع ہو رہا ہے جس میں کوئٹہ گلیڈی ایٹر اورپشاور زلمی آپس میں آمنے سامنے ہوںگے۔پلے آف کا مرحلہ شروع پوتے ہی پی ایس ایل میں ناقص امپائرنگ پر تنقید کرنے والوں کا منہ بھی بند ہو جائے گا۔کیونکہ لیگ کرکٹ کی تاریخ میں ایسا پہلی مرتبہ ہو رہا ہے کہ ڈی آر ایس سسٹم استعمال کیا جائے۔
Another first from #HBLPSL. DRS to be used in the #HBLPSL playoff matches.
— Najam Sethi (@najamsethi) February 27, 2017
تفصیلات کے مطابق پی ایس ایل کے چیئرمین نجم سیٹھی نے اعلان کیا ہے کہ پاکستان سپر لیگ کے دوسرے ایڈیشن کے پلے آف میچز کے دوران ڈی آر ایس سسٹم کا استعمال کیا جائے گا۔ اس سسٹم کے استعمال کے ساتھ دونوں ٹیموں کو ایک ایک ریویو لینے کا موقع دیا جائے گا۔ کسی بھی غیر ملکی کرکٹ لیگ میں ایسا کبھی نہیں ہوا اور نہ ہی انٹرنیشنل ٹی 20 میچز میں ایسا ہوا کہ ڈی آر ایس سٹم استعمال کیا گیا ہو۔ اس طرح پاکستان کرکٹ بورڈ کرکٹ میں ایک ایسی مثبت تبدیلی لے کر سامنے آیا ہے جس سے انٹرنیشنل کرکٹ کو فائدہ ہو گا اور اس سے امپائر کے غلط فیصلے کی نظر ہونےوالے کھلاڑی فائدہ اٹھا سکتے ہیں۔
