ایران کی جانب سے جارحیت کا مظاہرہ، بحری صورتحال پر نگرانی جاری؛امریکی وزیر جنگ 

واشنگٹن: امریکی وزیر جنگ پیٹ ہیگستھ اور جنرل ڈین کین نے ایک پریس بریفنگ میں مشرق وسطیٰ کی بحری صورتحال اور ایران سے متعلق امور پر اظہارِ خیال کیا۔

پیٹ ہیگستھ نے کہا کہ امریکہ خطے میں بحری سرگرمیوں پر گہری نظر رکھے ہوئے ہے اور امریکی بحری افواج مسلسل نگرانی کے فرائض انجام دے رہی ہیں۔ ان کے مطابق خطے میں امریکی بحری جہاز بین الاقوامی پانیوں میں موجود ہیں اور سمندری راستوں کی حفاظت کے لیے اقدامات جاری ہیں۔

انہوں نے کہا کہ آبنائے ہرمز عالمی تجارت کے لیے انتہائی اہم گزرگاہ ہے اور اس کی آزادانہ آمدورفت کو برقرار رکھنا بین الاقوامی برادری کی مشترکہ ذمہ داری ہے۔ ان کے مطابق خطے میں کشیدگی کم کرنے اور بحری سلامتی یقینی بنانے کے لیے کوششیں جاری ہیں۔

امریکی وزیر دفاع نے مزید کہا کہ امریکہ کسی بھی ملک کے ساتھ تصادم نہیں چاہتا، تاہم عالمی سمندری راستوں کی سلامتی پر کوئی سمجھوتہ نہیں کیا جائے گا۔ انہوں نے یہ بھی کہا کہ صورتحال پر قریبی نگرانی جاری ہے اور پیش رفت کے مطابق اقدامات کیے جا رہے ہیں۔