ممبئی: انڈیا کی حکومت اپنے ملک کانام تبدیل کر کے بھارت رکھنے کی تیاری کر رہی ہے۔
بھارتی میڈیا کے مطابق انڈیا کا نام بدل کر بھارت رکھنے پر غور کیا جا رہا ہے۔بھارتی میڈیا کا کہنا ہے کہ G20 سربراہان مملکت اور وزراء کو صدر کی طرف سے دیے جانے والے عشائیہ کے لیے باضابطہ مدعو کیا گیا اور دعوت نامے پر ' بھارت کا صدر' لکھا گیا جس سے یہ اندازہ کیا جاسکتا ہے کہ جلد ہی انڈیا کا نام بدل کر بھارت رکھ دیا جائے گا۔
57d8ed24835e58e7f7c0fe2dd03702784252a5fdafa1b8e06a82a0488c0ddb4f
بھارتی میڈیا کے مطابق انڈیا کا نام تبدیل کرنے کی قرارداد پارلیمنٹ کے خصوصی اجلاس میں پیش کیے جانے کا امکان ہے۔ اس اقدام کو اپوزیشن اتحاد انڈیا کے ساتھ الجھن سے بچنے کے لیے دیکھا جا رہا ہے۔
آسام کے وزیر اعلیٰ ہمانتا بسوا سرما نے سماجی رابطے کی ویب سائٹ پر کہا کہ ریپبلک آف بھارت - خوشی اور فخر ہے کہ ہماری تہذیب امرت کال کی طرف دلیری سے آگے بڑھ رہی ہے۔
9880dae4da2de4a503145fc811bf2f41
کانگریس لیڈر جے رام رمیش نے مودی حکومت پر تنقید کرتے ہوئے اس اقدام کو آئین پر حملہ قرار دیا۔
9d73c9a7143ff5ed6b7ae451f2726891
اس سے قبل بی جے پی کے رکن پارلیمنٹ ہرناتھ سنگھ یادو نےغیر ملکی خبر رساں ایجنسی کو بتایا کہ پورا ملک مطالبہ کر رہا ہے کہ ہم 'انڈیا' کے بجائے 'بھارت' کا لفظ استعمال کریں۔ ان کا کہنا تھا کہ انگریزی لفظ 'انڈیا' ہمارے ساتھ زیادتی ہے جبکہ لفظ 'بھارت' ہماری ثقافت کی علامت ہے۔ انہوں نے کہا کہ میں چاہتا ہوں کہ ہمارے آئین میں تبدیلی کی جائے اور اس میں لفظ 'بھارت' کا اضافہ کیا جائے۔