خیبرپختونخوا میں سیلاب کی تباہ کاریوں کے بعد متاثرہ اضلاع میں وبائی امراض پھیل گئے ۔
محکمہ صحت کے مطابق صوبے کے 17اضلاع میں دو ہفتوں کے دوران 25ہزار سے زائد افراد ڈائریا کا شکار ہوچکے ہیں ، سیلاب سے شدید متاثرہ 6اضلاع میں 81فیصد افراد میں ڈائریا کی تشخیص ہوئی ہے ۔
گزشتہ روزسیلاب سے متاثرہ اضلاع میں ڈائریا کے ایک ہزار 431کیسز رپورٹ ہوئے ہیں ،سب سے زیادہ کیسز ڈیرہ اسماعیل خان، چارسدہ، دیر لوئر ، کرک اور ٹانک میں رپورٹ ہوئے ہیں جبکہ وقت کے ساتھ ساتھ اس صورتحال میں مزید اضافہ ہورہا ہے ۔