اسلام آباد: قومی اسمبلی کا اجلاس کل ساڑھے 11 بجے ہوگا، جس کے لیے 17 نکاتی ایجنڈا جاری کر دیا گیا ہے۔
ایجنڈے کے مطابق، ٹیکس ڈیجیٹلائزیشن کے لیے میکنسی فرم کی خدمات حاصل کرنے پر توجہ دلاؤ نوٹس شامل ہوگا۔ وزیر تجارت جام کمال مانع اغراق محصولات ترمیمی بل 2025 قومی اسمبلی میں پیش کریں گے۔
وزیر داخلہ محسن نقوی تحویل ملزمان ترمیمی بل 2024 اور پاکستان شہریت ترمیمی بل 2024 ایوان میں پیش کریں گے، جبکہ مختلف قائمہ کمیٹیوں کی معیادی رپورٹس بھی قومی اسمبلی اجلاس میں پیش کی جائیں گی۔
اجلاس میں صدر مملکت کے مشترکہ اجلاس سے خطاب کی نقول بھی پیش کی جائیں گی۔ وزیر پارلیمانی امور صدر کے خطاب پر اظہارِ تشکر کی تحریک پیش کریں گے۔
ایجنڈے میں این اے 86 میں نئے گیس کنکشنز کی عدم فراہمی سے متعلق توجہ دلاؤ نوٹس بھی شامل ہے۔
