متحدہ عرب امارات میں ڈیجیٹل درہم قانونی کرنسی کے طور پر نافذ

دبئی: متحدہ عرب امارات نے نئے قانون کے تحت ڈیجیٹل درہم کو کیش کے برابر قانونی حیثیت دے دی ہے۔ فیڈرل ڈیکری لا نمبر 6، 2025 کے مطابق، اب یہ نوٹ، سکے اور ڈیجیٹل شکلوں میں لین دین اور کاروبار کے لیے قابل قبول ہوگا، اور سینٹرل بینک آف یو اے ای کو مکمل اختیار حاصل ہے۔

ماہرین کے مطابق، ڈیجیٹل درہم کے ذریعے تنخواہیں، خریداری اور ریمیٹنس کی ادائیگیاں ممکن ہوں گی، اور پائلٹ تجربات کے تحت پہلے سرکاری لین دین بھی کامیابی سے مکمل ہو چکا ہے۔ نظام میں فوری سیٹلمنٹ، پروگرام ایبل پیمنٹس اور بین الاقوامی ٹرانزیکشنز کی سہولت شامل ہوگی۔

قانون میں مداخلت یا خلاف ورزی پر ایک ارب درہم تک جرمانے کی گنجائش رکھی گئی ہے، جس سے ڈیجیٹل کرنسی کے استعمال کو قانونی تحفظ اور استحکام حاصل ہوگا۔