پاکستان مسلم لیگ (ن) کے صدراور قائد حزب اختلاف شہباز شریف نے بیگم نسیم ولی خان کے انتقال پر افسوس کا اظہار کرتے ہوئے کہا ہے کہ خواتین کو بااختیار بنانے کے لئے ان کی خدمات کو طویل عرصے تک یاد رکھا جائے گا۔
Saddened by the news of Begum Nasim Wali Khan's death. She took an active part in politics & was the first woman to get elected on a general seat from KP. Her services for empowerment of women will be remembered for a long time. My heartfelt condolences to the bereaved family!
— Shehbaz Sharif (@CMShehbaz) May 16, 2021
سماجی رابطے کی ویب سائٹ ٹوئٹر پر اپنے تعزیتی پیغام میں لیگی صدر کا کہناتھا کہ بیگم نسیم ولی خان کے انتقال کی خبر سن کر بے حد دکھ ہوا، بیگم نسیم ولی خان نے سیاست میں بڑھ چڑھ کر حصہ لیا، وہ خیبرپختونخواہ سے جنرل نشست پر منتخب ہونے والی پہلی خاتون تھیں۔ خواتین کو بااختیار بنانے کے لئے ان کی خدمات کو طویل عرصے تک یاد رکھا جائے گا۔
خیال رہے کہ عوامی نیشنل پارٹی (اے این پی) کی پارلیمانی لیڈر اور خان عبدالولی خان کی اہلیہ بیگم نسیم ولی خان آج انتقال کر گئیں تھیں ۔ اہل خانہ کے مطابق اے این پی کی سابق صوبائی صدر بیگم نسیم ولی خان شوگر اور عارضہ قلب میں مبتلا تھیں۔
بیگم نسیم ولی خان اے این پی کے رہبر تحریک خان عبدالولی خان کی بیوہ تھیں اور وہ تین بار رکن صوبائی اسمبلی منتخب ہوئیں۔ اے این کی جانب سے جاری اعلامیے میں بتایا گیا ہے کہ بیگم نسیم ولی کی نماز جنازہ آج شام 6 بجےولی باغ چارسدہ میں اداکی جائے گی۔
