فیصل آباد میں پی ڈی ایم کے جلسے سے خطاب کیلئے جب مریم نواز سٹیج پر پہنچی تو کارکن آپے سے باہر ہو گئے ،مریم نواز کے کہنے پر کارکن خاردار تاریں توڑ کر سٹیج پر پہنچ گئے ۔
نمائندہ نیو نیوز کے مطابق جیسے ہی مریم نواز جلسہ گاہ میں پہنچی تو کارکنوں کا جوش و خروش عروج پر پہنچ گیا ایسے میں ایک جوشیلے کارکن نے سکیورٹی حصار کو توڑ کر سٹیج پر مریم نواز کے پاس جانا چاہا جسے سکیورٹی اہلکاروں نے سٹیج پر پہنچنے سے پہلے ہی قابوکر لیا ۔
جوشیلے کارکن کی اس حرکت پر سکیورٹی اہلکاروں نے تھپڑوں کی بارش کر دی ،انہوں نے نہ صرف نوجوان کو تشدد کا نشانہ بنا یا بلکہ سٹیج کی سیڑھیوں سے نیچے پھینک دیا ۔
