ٹیکساس :امریکی ریاست ٹیکساس کے شہرآسٹن میں2دھماکوں سے 2 افراد زخمی ہوگئے۔
خبر رساں ایجنسی کے مطابق دھماکوں کے نتیجے میں دو افراد زخمی ہوگئے ہیں جن کو فوری طور پر ہسپتال منتقل کردیا گیا ہے جبکہ پولیس اورریسکیواہلکاردھماکوں کی جگہ پہنچ گئے ہیں۔ تفتیشی حکام کے مطابق جو دو افراد دھماکوں میں زخمی ہوئے ہیں ان کی عمریں 20 سال کے لگ بھگ ہیں جبکہ زخمیوں کی حالت تشویشناک نہیں ہے۔
APD responding to Bomb Hotshot call in the 4800 block of Dawn Song Dr. Two male patients transported with unknown injuries. Please avoid the area. Media staging area is 4635 SW Pkwy, corner of SW Pkwy and Boston Ln. APD PIO
— Austin Police Dept (@Austin_Police) March 19, 2018
آسٹن پولیس کے مطابق ابھی تک دھماکوں کی نوعیت کا انداز ہ نہیں لگایا جاسکا کہ یہ کس وجہ سے ہوئے جبکہ ایک عینی شاہد نے خبر ایجنسی کو بتایا کہ ایک زوردار دھماکہ سنا گیا ،نا تو یہ کوئی کار بم دھماکہ تھا اور نہ ہی کسی فائرنگ کی وجہ سے پیش آیا بالکل یہ کوئی اور ہی قسم کا خطرناک دھماکہ تھا۔حکام کے مطابق علاقے کو سیل کردیا گیا ہے جبکہ دھماکوں کی نوعیت اور وجہ جاننے کی تحقیقات کی جارہی ہیں۔
