جسٹس محسن اختر کیانی اسلام آباد بار کونسل کے چیئرمین ایپلٹ ٹریبونل نامزد کر دیے گئے

اسلام آباد: اسلام آباد ہائیکورٹ کے جسٹس محسن اختر کیانی کو اسلام آباد بار کونسل کے چیئرمین ایپلٹ ٹریبونل نامزد کر دیا گیا۔

جسٹس طارق محمود جہانگیری کو اسلام آباد بار کونسل کی انرولمنٹ کمیٹی کا چیئرمین نامزد کر دیا گیا ہے۔

اسلام آباد ہائیکورٹ کے چیف جسٹس عامر فاروق نے دونوں ججز کی نامزدگی کی جبکہ رجسٹرار نے سیکرٹری اسلام آباد بار کونسل کو نامزدگیوں سے آگاہ کر دیا ہے۔