لاہور:محمد عامر کی اپنے دوست کی شادی پر ڈانس کی ویڈیو سوشل میڈیا پر وائرل ہو گئی ہے۔
تفصیلات کے مطابق کرکٹ کی دنیا میں بڑے بڑے بیٹسمینوں کو تگنی کا ناچ نچوانے والے قومی ٹیم کے فاسٹ باﺅلر کی ایسی ویڈیو وائر ل ہوگئی ہے جس میں دیکھا جا سکتا ہے کہ وہ کرکٹ کے ساتھ ساتھ ڈانس بھی اچھا کرلیتے ہوئے ۔
dff8eba37c79cb7765f3b2ae6f4a2d49
سوشل میڈیا پر آنے والی ویڈیو میں دیکھا جا سکتا ہے کہ فاسٹ باﺅلر محمد عامر اپنی اہلیہ کے ساتھ اپنے دوست کی شادی پر ڈانس کر رہے ہیں۔سوشل میڈیا صارفین نے محمد عامر کی ڈانس کی ویڈیو کو شیئرکرتے ہوئے لکھا ہے کہ بلے بازوں کو تگنی کا ناچ نچانے والا خود بھی اچھا ڈانس کرتا ہے۔
محمد عامر کے ساتھ ان کی اہلیہ بھی موجود تھیں اور وہ بھی ان کے ساتھ ڈانس سے لطف اندوز ہو رہی تھیں جبکہ وہاں موجود ان کے دوست احباب بھی فاسٹ باﺅلر کو داد دے رہے تھے۔ سوشل میڈیا پر ان کی ڈانس کی ویڈیو وائرل ہو رہی ہے اور اسے بہت زیادہ شیئر کیا جا رہا ہے۔
db252bc3bf67ae6d2d80a5b704d46ecd
ویڈیو کے ساتھ محمد عامر کی اپنی اہلیہ نرجس اور بیٹی کے ساتھ دوست کی شادی کے موقع پر بنوائی گئیں تصاویر بھی سامنے آگئیں ہیں۔
خیال رہے کہ محمد عامر نے ورلڈ کپ میں اپنی شاندار کارکردگی سے ناقدین کے منہ بند کردیئے تھے اور سابق کپتان وسیم اکرم کا ریکارڈ بھی توڑ دیا تھا۔
