عالمی جوہری توانائی ایجنسی کے بورڈ آف گورنرز نے ایران کے خلاف قرارداد منظور کرلی

ویانا : عالمی جوہری توانائی ایجنسی (IAEA) کے 35 ملکی بورڈ آف گورنرز کے اجلاس میں ایران کے خلاف ایک قرارداد منظور کرلی گئی ہے۔

یہ قرارداد امریکا، برطانیہ، فرانس اور جرمنی کی جانب سے پیش کی گئی تھی۔ اجلاس میں چین، روس اور برکینا فاسو نے اس قرارداد کی مخالفت کی۔

قرارداد میں ایران پر زور دیا گیا ہے کہ وہ جوہری توانائی ایجنسی کے ساتھ مکمل تعاون کرے۔ جوہری توانائی ایجنسی میں شامل سفارتکاروں کا کہنا ہے کہ اس قرارداد کا مقصد ایران پر نئی جوہری پابندیوں کے حوالے سے مذاکرات کیلئے دباؤ ڈالنا ہے۔