نسان نے ریٹرو انداز سے متاثر جدید Z Kaze کانسیپٹ پیش کردیا

امریکہ : نسان نے اپنی مشہور Z سپورٹس کار کے لیے نیا Z Kaze Concept متعارف کرایا ہے، جس میں جدید کارکردگی کے ساتھ ماضی کی Z ماڈلز کی یاد تازہ کرنے والے ڈیزائن عناصر شامل کیے گئے ہیں۔

Z Kaze کو نمایاں بنانے والی خصوصیات میں سب سے اہم T-top روف ہے، جو ماضی کی 280ZX اور 300ZX میں بھی استعمال کیا جا چکا ہے۔ اس کے علاوہ کار کو Pacific Teal رنگ، زیادہ چوڑی باڈی، کاربن فائبر ہُڈ، فینڈر فلیئرز اور کسٹم کاربن فائبر ایرو کِٹ سے نیا روپ دیا گیا ہے۔

کانسیپٹ میں 18 انچ کے ملٹی پیس NISMO LMGT2 وہیلز بھی نصب کیے گئے ہیں۔ یہ وہیلز اب تیار نہیں ہوتے، تاہم نسان نے ایک اصل سیٹ تلاش کرکے اسے مکمل طور پر بحال اور دوبارہ تیار کیا۔

کار میں NISMO سسپنشن اور GReddy کے انجن پرفارمنس پارٹس بھی شامل کیے گئے ہیں، جن میں ایگزاسٹ سسٹم، ایئر فلٹر کِٹ اور فرنٹ ماؤنٹ ایئر ٹو ایئر انٹرکولر شامل ہیں۔ Z Kaze میں 3.0 لیٹر ٹوئن ٹربو V6 انجن استعمال کیا گیا ہے، تاہم نسان نے اس مخصوص کانسیپٹ کی حتمی پاور آؤٹ پٹ ظاہر نہیں کی۔

اندرونی حصے میں لیدر سیٹس، کاربن فائبر عناصر اور Bose ہیڈ ریسٹ اسپیکرز دیے گئے ہیں، جبکہ T-top روف کھولنے کے بعد بھی آڈیو سننے میں آسانی کو مدنظر رکھا گیا ہے۔

Z Kaze کا نام جاپانی زبان کے لفظ ’’کازے‘‘ سے لیا گیا ہے، جس کے معنی ’’ہوا‘‘ کے ہیں۔ یہ کانسیپٹ 23 سے 26 ستمبر تک ایریزونا کے شہر فینکس میں ہونے والے ZCON میں نمائش کے لیے پیش کیا جائے گا، جس کے بعد 3 اکتوبر کو لانگ بیچ، کیلیفورنیا میں جاپانی کلاسک کار شو میں بھی دکھایا جائے گا۔