لاہور: تحریک انصاف کے رہنما فرخ حبیب کو گرفتار کر لیا گیا۔
ذرائع کے مطابق پاکستان تحریک انصاف کے رہنما کو نامعلوم مقام پر منتقل کردیا گیا۔
فرخ حبیب کی گرفتاری کے حوالے سےپاکستان تحریک انصاف کی جانب سے کہا گیا ہے کہ گوادر بلوچستان کے علاقے سے سابق وفاقی وزیر فرخ حبیب، ان کے بھائی اور دیگر 4 ساتھیوں کو پولیس یونیفارم میں ملبوس ایک شخص اور 7-8 سادہ کپڑوں میں نامعلوم افراد نے آدھی رات کے وقت بغیر کسی وارنٹ کے حراست میں لیا۔
22406e77d25390c7d3cf21167f01d329
پی ٹی آئی کا مزید کہنا ہے کہ ہم امید کرتے ہیں کہ قانون کے مطابق تمام زیرحراست افراد کو آج صبح عدالت میں پیش کیا جائے گا۔
5c2ca18aafc9aa828a164551c2bece41
تحریک انصاف کے وکلاکو بھی قانونی کاروائی کے لیے الرٹ کر دیا گیا ہے۔
پاکستان تحریک انصاف کی جانب سے مزید کہا گیا کہ فرخ حبیب کا جرم صرف یہ ہے کہ انہوں نے چیئرمین عمران خان کی حمایت ترک کرنے سے انکار کر دیا۔ پی ٹی آئی کا کہنا ہے کہ فرخ حبیب کا جرم صرف یہ ہے کہ وہ اس سارے فاشزم کے خلاف مضبوط کھڑا رہا۔
e46727962952898cd4daccd80f1e3af9
پاکستان تحریک انصاف کی جانب سے مزید کہا گیا کہ انصاف کا یہ مذاق اب بند ہونا چاہیے۔ سپریم کورٹ، اعلیٰ عدالتیں مداخلت کر کے اس طرز عمل کو فوری طور پر روکیں۔
