ایناپولس: امریکی ریاست میری لینڈ میں واقع ایک اخبار کے دفتر میں ایک شخص کی اندھادھند فائرنگ کے نتیجے میں 5 افراد ہلاک جبکہ 20 سے زائد زخمی ہو گئے۔ پولیس کے مطابق فائرنگ کا واقعہ ریاست میری لینڈ کے علاقے ایناپولس میں اخبار ’کیپیٹل گزٹ‘کے نیوز روم میں پیش آیا۔
Five people were killed and several others were “gravely injured” in a shooting at the Capital Gazette office, according to police. A shooter is in custody. https://t.co/ZTw7BuaNAk
— Capital Gazette (@capgaznews) June 28, 2018
فائرنگ کرنے والے حملہ آور کو بھی حراست میں لے لیا گیا جس کی شناخت 38 سالہ جیروڈراموس کے نام سے ہوئی۔ ملزم نے نیوز روم میں ہینڈگن سے اندھادھند فائرنگ کی جس کے قبضے سے اسموک ہینڈ گرینیڈز بھی برآمد ہوئے۔
واقعے کے وقت عمارت میں 170 کے قریب افراد موجود تھے۔ رپورٹس کے مطابق ملزم کا اخبار 'کیپٹل گزٹ' سے دیرینہ تنازع تھا اور اخبار نے ملزم کے خلاف جولائی 2011 میں ایک مضمون شائع کیا تھا۔ 'کیپٹل گزٹ' کو گزشتہ روز سوشل میڈیا پر دھمکیاں بھی دی گئی تھیں۔
میری لینڈ کے گورنر لیری ہوگن نے ٹوئٹر پر اپنے پیغام میں کہا کہ وہ اس واقعے کے بعد شدید صدمے میں ہیں۔
Absolutely devastated to learn of this tragedy in Annapolis. I am in contact with County Executive Steve Schuh, and @MDSP is on the scene assisting @AACOPD. Please, heed all warnings and stay away from the area. Praying for those at the scene and for our community. https://t.co/bI6PdUjHfh
— Governor Larry Hogan (@GovLarryHogan) June 28, 2018
دوسری جانب امریکی صدر ڈونلڈ ٹرمپ کو بھی واقعے پر بریفنگ دی گئی۔ ٹرمپ نے اپنے پیغام میں متاثرین اور ان کے اہلخانہ کے لیے نیک خواہشات کا بھی اظہار کیا۔
Prior to departing Wisconsin, I was briefed on the shooting at Capital Gazette in Annapolis, Maryland. My thoughts and prayers are with the victims and their families. Thank you to all of the First Responders who are currently on the scene.
— Donald J. Trump (@realDonaldTrump) June 28, 2018
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
