لاہور: قومی کرکٹر شعیب ملک آج اپنی 36 ویں سالگرہ منا رہے ہیں، اس موقع پر جہاں ساتھی کھلاڑیوں اور پی سی بی کی طرف سے مبارکباد دی گئی تو وہی سریش رائنہ بھی میدان میں آگئے ۔
تفصیلات کے مطابق بھارتی بلے باز سریش رائنہ نے شعیب ملک کو ٹوئیٹر پر جنم دن کی مبارک باد دی، انہوں نے شعیب ملک کے ساتھ تصویر ٹوئٹ کرتے ہوئے ان کیلئے نیک خواہشات کا اظہار کیا۔
دوسری جانب پاکستان کرکٹ بورڈ کے علاوہ ساتھی کرکٹرز اظہر علی، سعید اجمل، حسن علی، رومان رئیس، شاداب خان، سلمان بٹ، عامر یامین، بلاول بھٹی، سعد نسیم اور دیگر نے ان کومبارکباد دیتے ہوئے نیک خواہشات کا اظہار کیا ہے۔ شعیب ملک نے سالگرہ کیلیے نیک خواہشات پر ساتھی کرکٹرز اور تمام مداحوں کا شکریہ ادا کیا ہے۔