صحت یابی کے بعد مولانا فضل الرحمان ہسپتال سے ڈسچارج

کراچی: جمعیت علماء اسلام (جے یو آئی)کے سربراہ مولانا فضل الرحمان کو صحت یابی کے بعد ہسپتال سے ڈسچارج کر دیا گیا۔

مولانا فضل الرحمان گذشتہ ایک ہفتے سے بیماری کے باعث کراچی کے نجی ہسپتال میں زیر علاج تھے اور آج ڈاکٹروں نے ان کی طبیعت تسلی بخش قرار دے کر ہسپتال سے فارغ کر دیا۔

کراچی سے تازہ ترین ♥️
قائد ملّت اسلامیّہ حضرت مولانا فضلُ الرَّحمٰن صاحب ہسپتال سے ڈسچارج#MaulanaFazlurRehman#WelcomeBackMaulana pic.twitter.com/MaL8jMVnZk

— Ab RazzaQ Usmani (@A_R_C2) July 1, 2021

جے یو آئی کے ترجمان اسلم غوری نے بتایا کہ مولانا فضل الرحمان کو ہسپتال کے عملے نے الوداع کیا اور گلدستہ بھی پیش کیا۔

ترجمان کے مطابق مولانا فضل الرحمان آج رات اسلام آباد روانہ ہوں گے اور وہ 4 جولائی کو سوات میں پاکستان ڈیموکریٹک موومنٹ ( پی ڈی ایم) کے جلسے میں شرکت کریں گے۔