اسلام آباد:وفاقی وزیر سائنس و ٹیکنالوجی فواد چوہدری نے کہا ہے کہ (ن) لیگ کی مخصوص قیادت اپنی سیاست میں ریاست کے مفاد کو زد پہنچا رہی ہے،اپنی ٹوئٹ میں وفاقی وزیر نے کہا تحریک انصاف کوئی ایسا بیانیہ نہیں بنا رہی کہ مسلم لیگ (ن) کی قیادت مودی دوستی میں اندھی ہو گئی ہے لیکن مسئلہ یہ ہے کہ پے در پے جلسوں میں (ن) لیگ کی مخصوص قیادت جن کے پیسے پھسے ہوئے ہیں وہ اپنی سیاست میں ریاست کے مفاد کو زد پہنچا رہی ہے، ایاز صادق کو اپنے بیان پر معافی مانگنی چاہیے۔
گلگت بلتستان کے عوام کو نیا صوبہ مبارک ہو اب آپ کو وہ تمام آئینی حقوق حاصل ہوں گے جو پاکستان کے باقی صوبوں کے عوام کو ہیں ، وزیر اعظم عمران خان نے ایک اور وعدہ پورا کیا۔۔۔۔۔۔ہندوستان کے رونے کا وقت ہوا چاہتا ہے۔ #GilgitBaltistan
— Ch Fawad Hussain (@fawadchaudhry) November 1, 2020
فوادچوہدری نے اپنے ایک اور ٹوئٹ میں کہا کہ گلگت بلتستان کے عوام کو نیا صوبہ مبارک ہو، اب آپ کو وہ تمام آئینی حقوق حاصل ہوں گے جو پاکستان کے باقی صوبوں کے عوام کو ہیں، وزیر اعظم عمران خان نے ایک اور وعدہ پورا کیا اور بھارت کے رونے کا وقت ہوا چاہتا ہے۔
بد قسمتی سے آپ فوج دشمنی میں نواز شریف کے نئے چمچے بن کر ابھرے ہیں نہ زبان لڑکھڑائ نہ کسی کی ٹانگیں ہندوستان نے جب بھی پاکستان کی طرف قدم بڑھائے ہم ٹانگیں توڑنے کیلئے تیار ہیں ، صرف فیصلہ یہ کرنا ہے کہ ہندوستان کے ان ایجنٹوں کے ساتھ جو پاکستان کے اندر ہیں کیا سلوک ہونا چاہئے https://t.co/mtMOZO5K0P
— Ch Fawad Hussain (@fawadchaudhry) November 1, 2020
فوادچوہدری نے ایک اور ٹوئٹ میں عوام سے رائے لیتے ہوئے پوچھا کہ ہندوستان کے پاکستان کے اندر موجود ایجنٹوں کیساتھ کیا سلو ک ہونا چاہیے ،انہوں نے کہا بدقسمتی سے فوج دشمنی میں نواز شریف کے نئے چمچے بن کر ابھرے ہیں نہ ان کی زبان لڑکھڑا ئی نہ کسی کی ٹانگیں ،ہندوستان نے جب بھی پاکستان کی طرف قدم بڑھائے ہم ٹانگیں توڑنے کیلئے تیار ہیں ۔