واشنگٹن : امریکا نے خیبر پختونخوا میں دہشت گرد کارروائیوں میں ملوث ٹی ٹی پی کے قاری امجد سمیت کالعدم القاعدہ برصغیر اور تحریک طالبان پاکستان کے چار رہنماؤں کو عالمی دہشتگرد قرار دے دیا ہے۔
ترجمان امریکی وزات خارجہ نیڈ پرائس کی جانب سے ٹویٹر پر جاری بیان کے مطابق کالعدم القاعدہ برصغیر کے امیر اسامہ محمود اور نائب امیر عاطف یحیٰ اور بھرتیوں کے معاملات دیکھنے والے محمد معروف کو دہشتگرد قرار دے دیا ہے۔
The @StateDept’s terrorist designations of AQIS leaders Osama Mehmood, Atif Yahya Ghouri, and Muhammad Maruf, and TTP leader Qari Amjad, demonstrates our commitment to countering the threat posed by terrorist groups anywhere in the world. https://t.co/WeHGtFQP8m
— Matthew Miller (@StateDeptSpox) December 1, 2022
امریکی وزارت خارجہ نے کالعدم تحریک طالبان پاکستان کے قاری امجد کو بھی دہشتگرد قرار دیا ہے۔ قاری امجد خیبرپختونخوا میں آپریشنز اور عسکریت پسندوں کا سرغنہ ہے۔
امریکی وزیر خارجہ انٹونی بلنکن نے کہا ہے کہ امریکا افغانستان میں سرگرم دہشت گرد گروپوں کی طرف سے لاحق خطرات کا مقابلہ کرنے کے لیے پُرعزم ہے۔ اس بات کو یقینی بنانا ہوگا کہ افغانستان میں دہشت گردوں جمع نہ ہوں۔
