دبئی: موسمیاتی تبدیلیوں کے حوالے سے ہونے والے زاید سسٹین ایبیلٹی ایوارڈ پاکستانی سکول 'کورٹ ایجوکیشن کمپلیکس ' نے جیت لیا۔
عالمی ماحولیاتی کانفرنس کے موقع پر زاید سسٹین ایبیلٹی ایوارڈ دبئی ایکسپو میں منعقد ہوئے جس میں پاکستانی اسکول نے گلوبل ہائی اسکول کی کیٹیگری کا ایوارڈ اپنے نام کیا۔
متحدہ عرب امارات کے صدر شیخ محمد بن زاید النہیان نے کورٹ ایجوکیشن اسکول کی ہونہار پاکستانی طلبا سمعیہ کو ایوارڈ سے نوازا۔
910d871e398d78054dde6a6a6c2a3304
پاکستانی اسکول کورٹ ایجوکیشن کمپلیکس کی دو طالبات سمعیہ اور کنزا نے مقابلے کے دوران کم سےکم پانی سے باغ اُگانے کا منصوبہ پیش کیا تھا۔
c48752a85f09f2e8b3cccc87e06cbab1
واضح رہے کہ کورٹ ایجوکیشن کمپلیکس مظفرآباد میں قائم ہے جو آزاد کشمیر میں 2005 میں آنے والے ہولناک زلزلے میں یتیم ہونے والے بچوں کیلئے قائم کیا گیا تھا۔