بانی پی ٹی آئی اور بشریٰ بی بی عدت کیس کا فیصلہ محفوظ، کل سنایا جائیگا

اسلام آباد :بانی پی ٹی آئی اور بشریٰ بی بی عدت کیس کا فیصلہ محفوظ، کل سنایا جائیگا۔اسلام آباد کی مقامی عدالت نے 
 بانی پی ٹی آئی اور ان کی اہلیہ بشریٰ بی بی کے عدت میں نکاح کے کیس کا فیصلہ محفوظ کرلیا۔
عدت میں نکاح کے کیس پر سینیئر سول جج قدرت اللہ نے سماعت کی۔ دوران سماعت وکلاء صفائی کی جانب سے گواہوں پر جرح مکمل کرلی گئی اور وکلا صفائی نے حتمی دلائل بھی مکمل کرلیے۔گواہان میں خاور مانیکا، مفتی سعید، عون چوہدری اور محمد لطیف پر جرح ہوئی۔
 گواہان پر جرح بانی پی ٹی آئی کے وکیل سلمان اکرم راجہ نے کی جبکہ درخواست گزار خاور مانیکا کے وکیل راجہ رضوان عباسی اور پبلک پراسیکیوٹر سمیع اللہ جسرا موجود تھے۔بانی پی ٹی آئی اور بشریٰ بی بی نے 342 کا بیان بھی عدالت کو دے دیا۔ عدت میں نکاح کیس کی سماعت آج صبح ساڑھے نوبجے شروع ہوئی تھی اور 14گھنٹے تک  جاری رہی۔عدالت نے عدت میں نکاح کے کیس کا فیصلہ محفوظ کرلیا جو کل ایک بجے سنایا جائے گا۔