پاکستانی ٹیم کی آسٹریلوی وزیراعظم سے ملاقات اور موج مستی

آسٹریلیا کے وزیراعظم میلکم ٹرنبال نے ٹیسٹ سیریز کے آخری میچ کے لیے سڈنی میں موجود پاکستان اور آسٹریلیا کی کرکٹ ٹیموں کے اعزاز میں ایک تقریب کا انتظام کیا جہاں کھلاڑیوں کے علاوہ ان کی بیگمات اور بچوں نے بھی شرکت کی۔

تقریب میں پاکستان کرکٹ ٹیم کپتان مصباح الحق کے علاوہ ہیڈ کوچ مکی آرتھر، ٹیم انتظامیہ اور آسٹریلیا کی ٹیم کے کھلاڑیوں کے ساتھ ساتھ ان بیگمات اور بچے بھی شریک تھے۔

پاکستان اور آسٹریلیا کی ٹیموں کے درمیان سیریز کا تیسرا میچ 3 جنوری کو سڈنی میں شروع ہو گا جبکہ آسٹریلیا نے ابتدائی دو مچوں می کامیابی حاصل کرکے سیریز اپنے نام کرلی ہے۔

وزیراعظم میلکم ٹرنبال نے تمام کھلاڑیوں اور شرکا سے فرداً فرداً ملاقات کی اور تصاویر کھنچوائیں۔