واشنگٹن ،سوشل میڈیا ایپلیکشن ٹویٹر نے اپنے پلیٹ فارم پر نفرت انگیز مواد کو روکنے اور سود مند مواد کو فروغ دینے کے لیے اہم قدم اٹھالیا۔
ٹوئٹر کا کہنا ہے کہ انتظامیہ نے نفرت انگیز اور نامناسب مواد کے خلاف کارروائی کرتے ہوئے ٹوئٹر ہیلپ سینٹر کو مزید اپ ڈیٹ کردیا ہے۔
ٹوئٹر کے مطابق اپ ڈیٹ کی گئی پالیسیاں نفرت انگیز مواد اور ہراساں کیے جانے جیسے اقدامات کی روک تھام میں مددگار ہیں۔
ٹوئٹر کے آفیشل اکاؤنٹ پر نئی پالیسی سے متعلق ٹوئٹ کو شیئر کرتے ہوئے ٹوئٹ کیا گیا ہے، جس کے مطابق مثبت عوامی گفتگو کے لیے کیے گئے عزم کے تحت شراکت داروں کی آراء کو اکٹھا کرتے ہوئے ہم مسلسل اپنی پالیسیوں میں جدت لارہے ہیں تاکہ اس بات کو یقینی بنایا جاسکے کہ ٹوئٹر وہ مقام ہے جہاں ہر شخص خود کو محفوظ رہ سکے۔
کمپنی کا کہنا ہے کہ نئی پالیسی تمام مواد کا احاطہ کئے ہوئے ہے۔
