اسلام آباد: پاکستان تحریک انصاف (پی ٹی آئی) کے سینئر رہنما ڈاکٹر افتخار درانی کو پولیس نے مبینہ طور پر گرفتار کر لیا ہے۔
اطلاعات کے مطابق پولیس نے درانی کو جمعرات کی صبح اسلام آباد میں ان کی رہائش گاہ سے گرفتار کیا۔پارٹی، پاکستان تحریک انصاف نے بھی درانی کی گرفتاری کی خبر کی تصدیق کرتے ہوئے اسے اغوا قرار دیا ہے۔ درانی کو گرفتاری کے بعد نامعلوم مقام پر منتقل کر دیا گیا ہے۔
رات کے اندھیرے میں بغیر کسی ارسٹ یا سرچ وارنٹ کے، گھر کے دروازےتوڑ کر، پی ٹی آئی رہنما افتخار درانی کو ان کے گھر سے اٹھا لیا گیا۔ نہ چادر اور چار دیواری کے تقدس کا خیال رکھا گیا نا ہی گھر کی خواتین کی حرمت کا۔#PakistanUnderFascism pic.twitter.com/EREPnbtyyv
— PTI (@PTIofficial) August 3, 2023
افتخار درانی پی ٹی آئی کے دور میں وزیر اعظم کے معاون خصوصی کے طور پر کام کر چکے ہیں۔ انہوں نے پارٹی کے مرکزی میڈیا ڈیپارٹمنٹ کے سربراہ کے طور پر بھی کام کیا۔
اس سے قبل، رہنما افتخاردرانی نے 2013 میں حکومت خیبر پختونخوا کے محکمہ تعلیم میں مواصلات کے مشیر کے طور پر خدمات انجام دیں۔
