ملک بھر میں شب برات مذہبی عقیدت و احترام کے ساتھ منائی گئی

لاہور : رحمتوں، برکتوں اور مغفرت کی رات، شب برات، ملک بھر میں مذہبی عقیدت اور احترام کے ساتھ منائی گئی۔ اس مقدس رات کو مساجد میں چراغاں، محافل اور شب بیداری کا خصوصی اہتمام کیا گیا، جہاں تلاوت کلام پاک اور نفل عبادات کا اہتمام کیا گیا۔

صدر آصف علی زرداری نے اپنے پیغام میں کہا کہ شب برات ہمیں امید، اصلاح اور باہمی اتحاد کا پیغام دیتی ہے۔ انہوں نے کہا کہ ہمیں معاشرے میں امن، برداشت اور رواداری کو فروغ دینا چاہیے۔

وزیراعظم نے اپنے بیان میں قوم سے اپیل کی کہ وہ اس بابرکت رات میں انفرادی طور پر اپنے تزکیہ کے ساتھ ساتھ بحیثیت قوم بھی اپنے فرائض کا جائزہ لیں۔ انہوں نے کہا کہ ہمیں ملکی استحکام اور ترقی کے لیے تعمیری کردار ادا کرنا ہوگا تاکہ پاکستان کی خوشحالی میں اپنا حصہ ڈال سکیں۔