بنگلہ دیش کرکٹ بورڈ نے بھارت نہ جانے کا فیصلہ کر لیا

ڈھاکہ:بنگلہ دیش کرکٹ بورڈ (BCB) نے اعلان کیا ہے کہ وہ اپنی قومی کرکٹ ٹیم کو ٹی ٹوئنٹی ورلڈ کپ 2026 کے لیے بھارت نہیں بھیجے گا۔ بورڈ نے کہا ہے کہ بھارت میں بنگلہ دیشی کھلاڑیوں، آفیشلز اور دیگر متعلقہ افراد کی سکیورٹی خدشات کے پیش نظر یہ فیصلہ ناگزیر ہے۔

بی سی بی نے آئی سی سی سے باضابطہ درخواست کی ہے کہ بنگلہ دیش کے بھارت میں شیڈول میچز کو کسی متبادل مقام، مثلاً سری لنکا، منتقل کیا جائے۔ بورڈ نے وضاحت کی کہ یہ اقدام ٹیم کی حفاظت اور فلاح و بہبود کو یقینی بنانے کے لیے ضروری ہے۔

بنگلہ دیشی مشیر کھیل، ڈاکٹر آصف نذرالاسلام، نے کہا کہ بھارت جانے کا کوئی جواز باقی نہیں رہا، کیونکہ بھارت سکیورٹی فراہم کرنے میں ناکام نظر آ رہا ہے۔ انہوں نے مزید کہا کہ مستفیض الرحمان کے آئی پی ایل سے ریلیز ہونے کے بعد دونوں بورڈز کے تعلقات کشیدہ ہو گئے ہیں، جس کی وجہ سے یہ فیصلہ لیا گیا۔

بی سی بی حکومت کو اپنے فیصلے سے آگاہ کرے گا اور حکومتی مشاورت کے بعد اس کا باضابطہ اعلان کیا جائے گا۔ بورڈ ورلڈ کپ کے دوران بھارت میں شیڈول اپنے تین میچز سری لنکا میں کرانے کی درخواست بھی کرے گا۔