لاہور: علی ظفر اور میشا شفیع کے درمیان نوک جھونک کا سلسلہ جاری ہے۔ گلوکار نے اپنے ٹوئٹر اکاؤنٹ سے ٹوئٹ میں میشا شفیع کو ایک بار پھر عدالت کا سامنا کرنے اور ہتک عزت کے عوض جرمانہ ادا کرنے کا مطالبہ کیا ہے۔
اپنے بیان میں علی ظفر نے میشا شفیع کی جانب سے اپنا ٹوئٹر اکاؤنٹ عارضی طور پر بند کرنے کے عمل کو طنز کا نشانہ بناتے ہوئے کہا ہے کہ ٹوئٹر اکاؤنٹ بند کرنے کے حیلے بہانے نہیں چلیں گے اور فرار اختیار کرنے سے کچھ حاصل نہیں ہو گا۔
Kindly #FaceTheCourtMeeshaShafi and pay the damages. Running away and closing twitter account for #gameofthrones spoilers will not help. https://t.co/QUp7S1RFD1
— Ali Zafar (@AliZafarsays) May 4, 2019
خیال رہے میشا شفیع نے چند دن قبل ایک ٹوئٹر پیغام میں کہا تھا کہ وہ عارضی طور ٹوئٹر سے بریک لے رہی ہیں کیونکہ نامور ویب شو ’گیم آف تھرونز‘ کی اگلی اقساط سے متعلق سوشل میڈیا پر جاری پیشگی تبصروں کی وجہ سے شو کا مزا کرکرا نہیں کرنا چاہتی۔
میشا نے مزید کہا تھا کہ ان کے بریک لینے کی وجہ یہ ہرگز نہیں کہ میں سوشل میڈیا پر اپنے خلاف چلنے والی مہم کا مقابلہ نہیں کر سکتی۔ اس کا مقابلہ میں نے گزشتہ برس بھی کیا اور ایسا ہر جان لیوا امتحان آپ کو مزید مضبوط بناتا ہے۔
